Tuesday, July 16, 2024
HomeGUJARATBusiness: કેન્દ્રના કર્મચારીઓને અંતિમ પગારના 50% પેન્શન તરીકે મળવાની શક્યતા

Business: કેન્દ્રના કર્મચારીઓને અંતિમ પગારના 50% પેન્શન તરીકે મળવાની શક્યતા


  • મોદી 2.0થી પડતર પેન્શનનો મુદ્દો આ બજેટમાં ઉકેલાય તેવી સંભાવના
  • સરકારે OPS લાગુ કરવાની શક્યતાને નકારી હોવા વચ્ચે તેના સમકક્ષ જ લાભ મળી શકે
  •  સરકાર આ પગલાં દ્વારા કેન્દ્રના કર્મચારીઓની પેઆઉટ અંગેની ચિંતા દૂર કરવા માંગે છે

સરકારે ઓલ્ડ પેન્શન સ્કીમ (ઓપીએસ) લાગુ કરવાની કોઈપણ શકયતાને નકારી કાઢી છે.

ત્યારે સરકાર નેશનલ પેન્શન સિસ્ટમ (એનપીએસ) હેઠળના પોતાના કર્મચારીઓને તેમના અંતિમ પગારના 50 ટકા પેન્શન તરીકે આપવા માટે વિચાર કરી રહી છે. બજેટમાં આ અંગેની ઘોષણા થવાની સંભાવના છે. સરકાર આ પગલાં દ્વારા કેન્દ્રના કર્મચારીઓની પેઆઉટ અંગેની ચિંતા દૂર કરવા માંગે છે. નોંધનીય છે કે, વર્ષ 2004માં ભરતી કરાયેલા અને 25 વર્ષથી 30 વર્ષ સુધી નોકરી કરનારા કર્મચારીઓને સરકાર દ્વારા પેન્શન તરીકે ઊંચા રિટર્નની ઓફર છતાં કેન્દ્રના કર્મચારીઓ આ પ્રસ્તાવથી ખુશ જણાતા ન હોવાથી સરકાર બજેટમાં કોઈ રાહતજનક જાહેરાત કરે તેવી પ્રબળ શકયતા છે.

આ ચિંતાને ઉકેલવા માટે કેન્દ્રીય નાણાં પ્રધાન નિર્મલા સિતારમણ દ્વારા કરાયેલી જાહેરાત બાદ ફાયનાન્સ સચિવ ટી.વી. સોમનાથનના નેતૃત્વમાં એક કમિટીની રચના કરવામાં આવી હતી. દરમ્યાન સોમનાથન કમિટિએ વૈશ્વિક અનુભવો પર નજર દોડાવી છે. ઉપરાંત કમિટિએ આંધ્ર પ્રદેશ સરકાર દ્વારા કરવામાં આવેલા બદલાવના પરિણામોની પણ સમીક્ષા કરી છે. આ સાથે કમિટીએ ચોક્કસ રિટર્ન ઉપલબ્ધ કરાવવાની અસરો માટે પણ વ્યાપક ગણતરી કરી છે. અલબત્ત સરકાર માટે 40 ટકથી 45 ટકાની ગેરન્ટી આપવી શકય છે. પણ આ મામલાને રાજકીય દ્રષ્ટિકોણથી જોવામાં આવે તો સરકારની 40થી 45 ટકાની ગેરન્ટીથી એવા કર્મચારીઓ સંતુષ્ટ જણાતા નથી જેઓ 25થી 30 વર્ષોથી નોકરી કરી રહ્યા છે. પરિણામે સરકારમાં હવે આંતરિક રીતે એ વાતની સ્વીકૃતિ કરવામાં આવી રહી છે કે, કેન્દ્રના કર્મચારીઓને અંતિમ પગારના 50 ટકા રકમ પેન્શન તરીકે ઉપલબ્ધ કરાવવામાં આવે.

કોંગ્રેસે તત્કાલિન મનમોહન સિંહ સરકાર દ્વારા લેવાયેલા નિર્ણયને ઉલટવાની જાહેરાત કરી હતી તેવા સમયે કેન્દ્ર સરકારે ઓપીએસને ફરી લાગુ કરવાની શકયતાને નકારવા વચ્ચે યોગ્ય સ્તરે પેન્શન ઉપલબ્ધ કરાવવાનો વિકલ્પ ખુલ્લો રાખ્યો છે. ઓપીએસ એક નિર્ધારિત લાભદાયક સ્કીમ છે. જેમાં જીવનભર સુધી છેલ્લા પગારના 50 ટકા પેન્શન તરીકે આપવાની જોગવાઈ છે. તેમજ આ યોજનામાં પે કમિશનની ભલામણો મુજબ ફેરફાર શકય છે. તેનાથી વિપરીત એનપીએસ એ નિર્ધારિત યોગદાન યોજના છે. જ્યાં સરકારી કર્મચારી પોતાના બેઝિક પગારના દસ ટકા યોગદાન તરીકે પ્રદાન કરે છે જ્યારે કેન્દ્ર સરકાર 14 ટકા પ્રદાન કરે છે.

દરમ્યાન સોમનાથન કમિટીએ વૈશ્વિક અનુભવો પર નજર દોડાવી છે. ઉપરાંત કમિટિએ આંધ્ર પ્રદેશ સરકાર દ્વારા કરવામાં આવેલા બદલાવના પરિણામોની પણ સમીક્ષા કરી છે. આ સાથે કમિટીએ ચોક્કસ રિટર્ન ઉપલબ્ધ કરાવવાની અસરો માટે પણ વ્યાપક ગણતરી કરી છે. અલબત્ત સરકાર માટે 40 ટકથી 45 ટકાની ગેરન્ટી આપવી શકય છે. પણ આ મામલાને રાજકીય દ્રષ્ટિકોણથી જોવામાં આવે તો સરકારની 40થી 45 ટકાની ગેરંટીથી એવા કર્મચારીઓ સંતુષ્ટ જણાતા નથી જેઓ 25થી 30 વર્ષોથી નોકરી કરી રહ્યા છે. પરિણામે સરકારમાં હવે આંતરિક રીતે એ વાતની સ્વીકૃતિ કરવામાં આવી રહી છે કે, કેન્દ્રના કર્મચારીઓને અંતિમ પગારના 50 ટકા રકમ પેન્શન તરીકે ઉપલબ્ધ કરાવવામાં આવે. સરકારના આ બદલાયેલા વલણનો એ અર્થ છે કે, કેન્દ્રએ ભંડોળની દ્રષ્ટિથી વાર્ષિક અંદાજમાં પણ સુધારો કરવો પડશે. કેમ કે, ઘણી કમિટિના સભ્યોનું માનવું છે કે, સરકાર પાસે નિવૃત્તિ ફંડ ઉપલબ્ધ નથી. જેથી શકય છે કે, આ વખતે સરકાર નિવૃત્તિ ફંડ સ્થાપી શકે છે. જેના દ્વારા સરકાર પોતાના નિવૃત્ત કર્મચારીઓને આર્થિક લાભ પહોંચાડી શકે.

બીજી તરફ અધિકારીઓનું કહેવું છે કે, જે લોકો 25 વર્ષથી 30 વર્ષ સુધી નોકરી કરે છે તેમને ઓપીએસ હેઠળ મળવાપાત્ર પેન્શનના સમકક્ષ રકમ પેન્શન તરીકે મળી રહી છે. ઓછા પેન્શનની ફરિયાદો માત્ર એવા કર્મચારીઓ તરફથી આવી રહી છે જેઓ 20 વર્ષ કે તેથી ઓછી નોકરી કરી અત્યાર સુધી આ યોજનામાંથી બહાર નીકળી ચૂકયા છે.



Source link

- Advertisment -

Most Popular

Recent Comments