Friday, July 19, 2024
HomeBUSINESSખેડૂતોને મળશે સસ્તુ ખાતર, આજે અમિત શાહ કરશે 50 ટકા સબ્સિડીની જાહેરાત

ખેડૂતોને મળશે સસ્તુ ખાતર, આજે અમિત શાહ કરશે 50 ટકા સબ્સિડીની જાહેરાત


  • નેનો-ખાતરની ખરીદી માટે ખેડૂતોને 50 ટકા સહાય અપાશે
  • નેનો-ફર્ટિલાઇઝર્સને પ્રોત્સાહન આપવા 100 દિવસનો એક્શન પ્લાન તૈયાર
  • 413 જિલ્લામાં નેનો ડીએપી, નેનો યુરિયા પ્લસના ટ્રાયલ અપાશે

આજે કેન્દ્ર સરકાર ખેડૂતોને મોટી ભેટ આપવા જઈ રહી છે. સરકાર ટૂંક સમયમાં નેનો-ફર્ટિલાઇઝર્સ પર સબ્સિડી આપવા માટે એક સ્કીમ લઈને આવી રહી છે. આ સાથે નેનો-ખાતરને ખેડૂતોમાં લોકપ્રિય બનાવવામાં આવશે. સાથે જ ખેડૂતો માટે ખેતીનો ખર્ચ પણ ઘટશે. કેન્દ્રીય ગૃહ અને સહકાર મંત્રી અમિત શાહ 6 જુલાઈએ એટલે કે આજે તેનું લોકાર્પણ કરશે. કેન્દ્રીય સહકાર મંત્રી અમિત શાહ શનિવારે ગુજરાતની મુલાકાતે છે. આ દરમિયાન તેઓ એક કાર્યક્રમમાં આ ખાતર સબ્સિડી યોજનાનો પ્રારંભ કરશે. આ યોજનાનો ઉદ્દેશ્ય ચાલુ નાણાકીય વર્ષમાં નેનો-ખાતરની ખરીદી માટે ખેડૂતોને 50 ટકા સુધીની સહાય પૂરી પાડવાનો છે.

સહકાર મંત્રાલયની વર્ષગાંઠ

સત્તાવાર નિવેદન અનુસાર અમિત શાહ 6 જુલાઈએ ગુજરાતના ગાંધીનગરથી કેન્દ્ર સરકારની યોજના ‘એજીઆર-2’ લોન્ચ કરશે. તેઓ અહીં 102માં આંતરરાષ્ટ્રીય સહકાર દિવસ સંબંધિત કાર્યક્રમમાં ભાગ લેશે. આ દિવસ કેન્દ્રીય સહકારી મંત્રાલયનો ત્રીજો સ્થાપના દિવસ પણ છે. આ કાર્યક્રમ દરમિયાન અમિત શાહ યોજના હેઠળ ખેડૂતોને સહાયની રકમ ચૂકવશે. તે જ સમયે, અમે નેશનલ કોઓપરેટિવ ઓર્ગેનિક્સ લિમિટેડ દ્વારા બનાવવામાં આવેલ ‘ભારત ઓર્ગેનિક ઘઉંનો લોટ’ પણ લોન્ચ કરાશે. કેન્દ્રીય મંત્રી બનાસકાંઠા અને પંચમહાલ જિલ્લામાં સહકાર સંબંધિત અન્ય કાર્યક્રમોમાં પણ ભાગ લેશે.

413 જિલ્લાના ખેડૂતોને લાભ મળશે

સંયુક્ત રાષ્ટ્ર મહાસભાએ તાજેતરમાં વર્ષ 2025ને આંતરરાષ્ટ્રીય સહકાર વર્ષ તરીકે જાહેર કર્યું છે. તેથી, સરકાર ભારતની સહકારી ખાતર કંપનીઓ દ્વારા ઉત્પાદિત નેનો-ખાતરોના પ્રમોશન પર વિશેષ ધ્યાન આપી રહી છે. નેનો-ફર્ટિલાઇઝર્સને પ્રોત્સાહન આપવા માટે 100 દિવસનો એક્શન પ્લાન બનાવવામાં આવ્યો છે. તેના ભાગરૂપે, સરકાર 413 જિલ્લામાં નેનો ડીએપી (પ્રવાહી)ના 1,270 ટ્રાયલ અને 100 જિલ્લામાં નેનો યુરિયા પ્લસ (પ્રવાહી)ના 200 ટ્રાયલ પૂર્ણ કરવાનું લક્ષ્ય ધરાવે છે. આ પહેલ ઇકો-ફ્રેન્ડલી ખેતી પદ્ધતિઓને પ્રોત્સાહન આપશે અને કૃષિ ક્ષેત્રમાં રાસાયણિક ખાતરોનો ઉપયોગ ઘટાડવાની અપેક્ષા છે. 



Source link

- Advertisment -

Most Popular

Recent Comments