Monday, July 15, 2024
HomeBUSINESSMobile Tariff: JIO, Airtel બાદ Vodafone-Ideaનો ઝટકો, જાણો ટેરિફ પ્લાન

Mobile Tariff: JIO, Airtel બાદ Vodafone-Ideaનો ઝટકો, જાણો ટેરિફ પ્લાન


  • ટેલિકોમ કંપનીઓએ ડિસેમ્બર 2021થી મોબાઈલ ટેરિફમાં વધારો કર્યો નથી
  • પ્રી-પેઈડ ગ્રાહકોને રાત્રે ફ્રી ડેટા આપનારી એકમાત્ર કંપની છે વોડાફોન
  • જાણો ફેમિલિ પોસ્ટપેડ પ્લાન માટે કેટલા રૂપિયા ચૂકવવાના રહેશે

રિલાયન્સ જિયો અને ભારતીય એરટેલ પછી દેશની ત્રીજી સૌથી મોટી ટેલિકોમ કંપની વોડાફોન આઈડિયાએ પણ મોબાઈલ ટેરિફમાં વધારો કર્યો છે. કંપનીએ પ્રીપેડ અને પોસ્ટપેડ બંને મોબાઈલ ટેરિફમાં 10 થી 21 ટકાનો વધારો કરવાનો નિર્ણય લીધો છે. વોડાફોન આઈડિયાના મોબાઈલ ટેરિફમાં વધારો કરવાનો નિર્ણય 4 જુલાઈ, 2024થી અમલમાં આવશે.તો જાણો શું છે નવા પ્લાન.

365 દિવસની વેલિડિટી પ્લાન માટે તમારે 1999 રૂપિયા ચૂકવવા પડશે

સ્ટોક એક્સચેન્જો સાથેની રેગ્યુલેટરી ફાઇલિંગમાં ટેરિફમાં વધારો કરવાના નિર્ણય અંગે માહિતી આપતા વોડાફોન આઇડિયાએ જણાવ્યું હતું કે કંપનીએ એન્ટ્રી લેવલના યુઝર્સને ટેકો આપવાના તેના સિદ્ધાંતો ચાલુ રાખ્યા છે અને એન્ટ્રી લેવલની કિંમત નજીવી રાખવામાં આવી છે, જ્યારે વધુ વપરાશ પર વધુ ચાર્જ લેવામાં આવશે. કંપનીના ટેરિફ વધારા પર નજર કરીએ તો 179 રૂપિયાના પ્લાન માટે ગ્રાહકે હવે 199 રૂપિયા ચૂકવવા પડશે. 459 રૂપિયાના પ્લાન માટે તમારે 509 રૂપિયા ચૂકવવા પડશે અને 1799 રૂપિયાના 365 દિવસની વેલિડિટી પ્લાન માટે તમારે 1999 રૂપિયા ચૂકવવા પડશે.

પોસ્ટપેડ પ્લાનમાં, તમારે 401 રૂપિયાના પ્લાન માટે 451 રૂપિયા, 501 રૂપિયાના પ્લાન માટે 551 રૂપિયા, રૂપિયા 601ના ફેમિલી પ્લાન માટે રૂપિયા 701 અને રૂપિયા 1001ના ફેમિલી પ્લાન માટે રૂપિયા 1201 ચૂકવવા પડશે.

કંપનીએ કહ્યું કે વોડાફોન આઈડિયા એકમાત્ર ઓપરેટર છે જે પ્રી-પેઈડ ગ્રાહકોને રાત્રે ફ્રી ડેટા આપે છે. કંપનીએ કહ્યું કે તે 4Gમાં મોટાપાયે રોકાણ કરવા જઈ રહી છે અને 5G મોબાઈલ સેવા શરૂ કરશે. ગુરુવારે, રિલાયન્સ જિયોએ સૌથી પહેલા મોબાઇલ ટેરિફમાં વધારો કરવાની જાહેરાત કરી હતી, ત્યારબાદ 28 જૂનના શુક્રવારે સવારે ભારતી એરટેલે ટેરિફમાં વધારો કર્યો હતો. અને અપેક્ષા મુજબ, વોડાફોન આઈડિયાએ મોબાઈલ ટેરિફ પણ મોંઘા કર્યા છે.

ટેલિકોમ કંપનીઓએ ડિસેમ્બર 2021થી મોબાઈલ ટેરિફમાં વધારો કર્યો નથી. જ્યારે આ સમયગાળા દરમિયાન, કંપનીઓએ 5G સ્પેક્ટ્રમ ખરીદીને સેવાઓ શરૂ કરી છે. જ્યારે Vodafone Idea 5G સેવા શરૂ કરવા જઈ રહી છે. આવી સ્થિતિમાં મોટા પાયે રોકાણ કર્યા બાદ કંપનીઓ પર ટેરિફ વધારવાનું દબાણ હતું.



Source link

- Advertisment -

Most Popular

Recent Comments