Tuesday, July 23, 2024
HomeBUSINESSSBIએ સરકારને આપ્યું રેકોર્ડ 6959 કરોડ રૂપિયાનું ડિવિડન્ડ, બેંક પાસેથી મળ્યા પૈસા

SBIએ સરકારને આપ્યું રેકોર્ડ 6959 કરોડ રૂપિયાનું ડિવિડન્ડ, બેંક પાસેથી મળ્યા પૈસા


  • SBIએ તેના શેરધારકો માટે શેર દીઠ રૂ. 13.70નું ડિવિડન્ડ પણ જાહેર કર્યું છે.
  • ગત વર્ષમાં સ્ટેટ બેંક ઓફ ઈન્ડિયાએ પ્રતિ શેર 11.30 રૂપિયાનું ડિવિડન્ડ જાહેર કર્યું
  • SBI સિવાય બેન્ક ઓફ મહારાષ્ટ્રે પણ ડિવિડન્ડ ચૂકવ્યું

દેશની સૌથી મોટી સરકારી બેંક SBIએ સરકારને રેકોર્ડ ડિવિડન્ડ ચૂકવ્યું છે. સ્ટેટ બેંક ઓફ ઈન્ડિયાના ચેરમેન દિનેશ ખારાએ નાણા મંત્રી નિર્મલા સીતારમણને 6959.29 કરોડ રૂપિયાનો ચેક સોંપ્યો છે. નાણામંત્રીએ સોશિયલ મીડિયા પ્લેટફોર્મ ‘X’ પર આ માહિતી આપી છે. આ ડિવિડન્ડ નાણાકીય વર્ષ 2023-24 માટે છે. SBI સિવાય બેન્ક ઓફ મહારાષ્ટ્રે પણ ડિવિડન્ડ ચૂકવ્યું છે.

SBIએ તેના શેરધારકો માટે શેર દીઠ રૂ. 13.70નું ડિવિડન્ડ પણ જાહેર કર્યું છે. જ્યારે ગત નાણાકીય વર્ષ 2023માં સ્ટેટ બેંક ઓફ ઈન્ડિયાએ પ્રતિ શેર 11.30 રૂપિયાનું ડિવિડન્ડ જાહેર કર્યું હતું. નાણાકીય વર્ષ 2024 દરમિયાન SBIનો એકીકૃત ચોખ્ખો નફો 67,085 કરોડ રૂપિયા હતો. જ્યારે અગાઉના નાણાકીય વર્ષમાં તે રૂ. 55,648 કરોડ હતો.

બેંક ઓફ મહારાષ્ટ્રે આટલી રકમ ચૂકવી

સરકારી બેંકે શુક્રવારે 857 કરોડ રૂપિયાનું ડિવિડન્ડ ચૂકવ્યું છે. આ દરમિયાન BOMના મેનેજિંગ ડાયરેક્ટર નિધુ સક્સેના અને એક્ઝિક્યુટિવ ડાયરેક્ટર આશિષ પાંડે નાણા મંત્રી નિર્મલા સીતારમણને મળ્યા અને તેમને 857 કરોડ રૂપિયાનો ચેક આપ્યો. બેંક ઓફ મહારાષ્ટ્રે પણ નાણાકીય વર્ષ 2024 માટે તેના શેરધારકો માટે 1.40 રૂપિયા પ્રતિ ઈક્વિટી શેરની જાહેરાત કરી છે.

બેંક ઓફ મહારાષ્ટ્રમાં સરકારનો હિસ્સો

પૂણે સ્થિત બેંક BOMમાં સરકારનો હિસ્સો 86.46 ટકા છે. બેંકે કહ્યું કે આ ડિવિડન્ડની ચુકવણી નાણાકીય વર્ષ દરમિયાન બેંકની પ્રભાવશાળી નાણાકીય કામગીરી દર્શાવે છે. નાણાકીય વર્ષ 2024 માટે બેન્કનો ચોખ્ખો નફો 55.84 ટકા વધીને રૂ. 4,055 કરોડ થયો છે. જ્યારે ગયા નાણાકીય વર્ષમાં તેનો ચોખ્ખો નફો 2,602 કરોડ રૂપિયા હતો. બેંકે નાણાકીય વર્ષ 2023-24 માટે કુલ વ્યવસાયમાં 15.94 ટકાનો સુધારો અને થાપણ એકત્રીકરણમાં 15.66 ટકાનો વધારો નોંધાવ્યો છે.

એક વર્ષમાં પૈસા અઢી ગણા વધ્યા!

બેંકે કહ્યું કે બેંકે સતત બદલાતી બજારની ગતિશીલતા માટે સુગમતા અને અનુકૂલનક્ષમતા દર્શાવી છે, જેના કારણે તે સર્વિસ પ્રોવાઈટર અને ગ્રાહક સંતોષની દ્રષ્ટિએ મોખરે રહેવા સક્ષમ બની છે. શુક્રવારે બેન્ક ઓફ મહારાષ્ટ્રનો શેર 1.55% ઘટીને રૂ. 65.25 પર બંધ થયો હતો. આ શેરે છ મહિનામાં 43.09% વળતર આપ્યું છે, જ્યારે એક વર્ષમાં 135.56% વધ્યું છે. આનો અર્થ એ થયો કે તેણે એક વર્ષમાં રોકાણકારોના નાણાંમાં લગભગ 2.5 ગણો વધારો કર્યો છે. જ્યારે SBIએ એક વર્ષમાં રોકાણકારોને 48.23% વળતર આપ્યું છે.

બિઝનેસના વધુ સમાચાર વાંચવા માટે અહીં ક્લિક કરો.



Source link

- Advertisment -

Most Popular

Recent Comments