Monday, July 22, 2024
HomeGUJARATVadodara News: લોકસભાની ચૂંટણીમાં 2552 મતદાન મથકો પર મતદાન થશે

Vadodara News: લોકસભાની ચૂંટણીમાં 2552 મતદાન મથકો પર મતદાન થશે


  • 70 મતદાન મથકોનું મહિલાઓ સંચાલન કરશે
  • મતદાનને લઇ પોલીસ વિભાગ પણ સતર્ક થયો
  • 7 વિધાનસભા વડોદરા લોકસભામાં સમાવેશ થાય છે

વડોદરા લોકસભામાં 2552 મતદાન મથકો પર મતદાન થશે. તેમજ શહેરમાં 854 મથકોને સંવેદનશીલ જાહેર કરાયા છે. ત્યારે મતદાનને લઇ પોલીસ વિભાગ પણ સતર્ક થયો છે. 10 મતદાન મથકોનું સંચાલન દિવ્યાંગ કર્મીઓ કરશે.

7 વિધાનસભા વડોદરા લોકસભામાં સમાવેશ થાય છે

વડોદરાના કલેકટર બીજલ શાહનું નિવેદન સામે આવ્યું છે. જેમાં તેમણે જણાવ્યું છે કે કુલ 10 વિધાનસભા આવેલ છે. જેમાંથી 7 વિધાનસભા વડોદરા લોકસભામાં સમાવેશ થાય છે. તેમાં કુલ 14 હરીફ ઉમેદવારો છે. તથા શહેરી વિસ્તારમાં 1282 અને ગ્રામ્ય વિસ્તારમાં 521 મતદાન મથકો છે. તેમાં કુલ 19 લાખ 49 હજાર 573 મતદારો આવતીકાલે મતદાન કરશે. કુલ મળીને 2552 મતદાન મથકો પર મતદાન થશે. તેમજ રિઝર્વ સહિત 13,240 કર્મીઓ મતદાન મથકો પર ફરજ બજાવશે.

જિલ્લામાં કુલ 70 મતદાન મથકોનું મહિલાઓ સંચાલન કરશે

જિલ્લામાં કુલ 70 મતદાન મથકોનું મહિલાઓ સંચાલન કરશે. તેમજ કુલ 10 મતદાન મથકોનું સંચાલન દિવ્યાંગ કર્મીઓ કરશે. તથા રાવપુરા વિધાનસભામાં હેરિટેજ મતદાન થીમ રાખવામાં આવી છે. તેમજ માંજલપુર વિસ્તારમાં ગરબાની થીમ પર મતદાન મથક ઉભું કરાયું છે. તથા બુથ પર મોબાઈલ લઈને જઈ શકાશે નહીં. અને મતદારો કોઈ પણ ફરિયાદ 18002331951 નંબર પર કરી શકશે. વેબ કાસ્ટિંગથી 854 સંવેદનશીલ મતદાન મથકો પર નજર રખાશે. સંવેદનશીલ મતદાન મથકો પર સી.આર.પી.એફ તૈનાત રહેશે.

શહેરી વિસ્તારમાં પેરામેડિકલ સ્ટાફ રહેશે

સંવેદનશીલ સહિત કુલ 1278 મતદાન મથકો પર વેબ કાસ્ટિંગ નજર રહેશે. તથા હિટવેવને લઇને પણ ખાસ તૈયારીઓ છે. તેમાં દરેક મતદાન મથકો પર 4 થી 5 ખુરશીઓ અલગથી રખાશે. સ્કૂલ અથવા અન્ય સ્થળોએ વેઇટિંગ રૂમ ઉભા કરાશે. મતદાન માટે લાઈન હશે ત્યાં ઠંડા પાણીના જગ રખાશે. મતદાન મથક દીઠ મેડિકલ કીટ અને ઓ.આર.એસ ઉપલબ્ધ રહેશે. શહેરી વિસ્તારમાં પેરામેડિકલ સ્ટાફ રહેશે. 



Source link

- Advertisment -

Most Popular

Recent Comments